ਵਿਧਾਨ ਸਭਾ ਚੋਣਾਂ ਦੌਰਾਨ ਪੰਜਾਬ ਨੂੰ ਲੈ ਕੇ ਚਿੰਤਾਵਾਂ - 13/12/2011
ਡਾ. ਐੱਸ.ਵਾਈ ਕੁਰੈਸ਼ੀਮੁੱਖ ਚੋਣ ਕਮਿਸ਼ਨਰ
ਨਿਰਵਾਚਨ ਸਦਨ
ਅਸ਼ੋਕਾ ਰੋਡ
ਨਵੀਂ ਦਿੱਲੀ - 110001
13 ਦਸੰਬਰ, 2011
ਸਤਿਕਾਰਯੋਗ ਡਾ. ਕੁਰੈਸ਼ੀ ਸਾਹਿਬ,
ਵਿਧਾਨ ਸਭਾ ਚੋਣਾਂ ਦੌਰਾਨ ਪੰਜਾਬ ਨੂੰ ਲੈ ਕੇ ਚਿੰਤਾਵਾਂ।
ਮੈਨੂੰ 2012 ਵਿਧਾਨ ਸਭਾ ਚੋਣਾਂ 'ਚ ਦਾਖਾ ਵਿਧਾਨ ਸਭਾ ਹਲਕੇ ਤੋਂ ਖੜ੍ਹੇ ਹੋਣ ਦੀ ਉਮੀਦ ਹੈ। ਇਸ ਲਈ ਪੰਜਾਬ ਵਿੱਚ ਹੋਣ ਵਾਲੀਆਂ ਚੋਣਾਂ ਦੇ ਸਬੰਧ 'ਚ ਇਨ੍ਹਾਂ ਤਿੰਨ ਮਹੱਤਵਪੂਰਨ ਮੁੱਦਿਆਂ ਵੱਲ ਤੁਹਾਡਾ ਧਿਆਨ ਖਿੱਚਣਾ ਚਾਹੁੰਦਾ ਹਾਂ ਅਤੇ ਚੋਣ ਕਮਿਸ਼ਨ ਤੋਂ ਇਸ ਸਬੰਧ 'ਚ ਜਾਂਚ ਤੇ ਸਹਿਯੋਗ ਚਾਹੁੰਦਾ ਹਾਂ:
1. ਸੱਤਾਧਾਰੀ ਸ਼੍ਰੋਅਦ ਪਾਰਟੀ ਨਾਲ ਸਬੰਧਿਤ ਗੁੰਡਿਆਂ ਨੂੰ ਪ੍ਰਦਾਨ ਸੁਰੱਖਿਆ
ਅਕਾਲੀ (ਸ਼੍ਰੋਅਦ) ਸਮਰਥਕਾਂ ਨੂੰ ਅਧਿਕਾਰਿਕ ਤੇ ਗੈ ਅਧਿਕਾਰਿਕ ਦੋਵੇਂ ਪੱਧਰ 'ਤੇ ਵੱਡੀ ਗਿਣਤੀ 'ਚ ਸੁਰੱਖਿਆ ਗਾਰਡ ਮੁਹੱਈਆ ਕਰਵਾਏ ਗਏ ਹਨ। ਇਨ੍ਹਾਂ 'ਚੋਂ ਕਈ ਬਹੁਤ ਹੀ ਸ਼ੱਕੀ ਇਤਿਹਾਸ ਰੱਖਦੇ ਹਨ ਅਤੇ ਇਨ੍ਹਾਂ ਨੂੰ ਸੁਰੱਖਿਆ ਪ੍ਰਦਾਨ ਕਰਨ ਦਾ ਅਧਾਰ ਗਲਤ ਹੈ। ਕਿਰਪਾ ਕਰਕੇ ਗੈਰ ਅਧਿਕਾਰਿਕ ਸੁਰੱਖਿਆ ਮੁਲਾਜਮਾਂ ਨੂੰ ਤੁਰੰਤ ਵਾਪਿਸ ਲਏ ਜਾਣ ਦੀ ਵਿਵਸਥਾ ਕੀਤੀ ਜਾਵੇ ਤੇ ਜਿਨ੍ਹਾਂ ਦੇ ਕੋਲ ਕੋਈ ਕਾਨੂੰਨੀ ਅਧਿਕਾਰ ਨਹੀਂ ਹੈ ਉਨ੍ਹਾਂ ਨੂੰ ਪਿਛਲੇ 90 ਦਿਨਾਂ ਦੌਰਾਨ ਸੁਰੱਖਿਆ ਕਵਰ ਦਿੱਤੇ ਜਾਣ ਸਬੰਧੀ ਮਨਜੂਰੀ ਨੂੰ ਰੱਦ ਕੀਤਾ ਜਾਵੇ।
2. ਹਥਿਆਰਾਂ ਦੇ ਲਾਇਸੈਂਸ
ਨਾਜਾਇਜ ਰੂਪ ਤੋਂ ਗੈਰ ਰਜਿਸਟਰਡ ਹਥਿਆਰ ਬਰਾਮਦ ਹੋਣ ਤੋਂ ਇਲਾਵਾ 2011 'ਚ ਵੱਡੀ ਗਿਣਤੀ 'ਚ ਆਰਮਜ ਲਾਇਸੈਂਸ ਜਾਰੀ ਕੀਤੇ ਗਏ ਹਨ। ਇਸ ਸਰਕਾਰ ਨੇ ਫਿਰ ਤੋਂ ਬਹੁਤ ਹੀ ਜਿਆਦਾ ਸ਼ੱਕੀ ਇਤਿਹਾਸ ਵਾਲੇ ਅਕਾਲੀ ਸਮਰਥਕਾਂ ਨੂੰ ਵੱਡੀ ਗਿਣਤੀ 'ਚ ਤਾਜਾ ਲਾਇਸੈਂਸ ਜਾਰੀ ਕੀਤੇ ਹਨ। ਕਿਰਪਾ ਕਰਕੇ 2012 'ਚ ਨਵੀਂ ਸਰਕਾਰ ਦੇ ਬਣਨ ਤੱਕ 2011 'ਚ ਜਾਰੀ ਕੀਤੇ ਗਏ ਸਾਰੇ ਲਾਇਸੈਂਸਾਂ ਨੂੰ ਸਸਪੈਂਡ ਕਰਨ ਦੀ ਵਿਵਸਥਾ ਕੀਤੀ ਜਾਵੇ।
3. ਪੋਲਿੰਗ ਬੂਥਾਂ 'ਤੇ ਵੋਟਰ ਸੂਚੀਆਂ 'ਚੋਂ ਪੰਨਿਆਂ ਨੂੰ ਹਟਾਉਣਾ
ਮੈਨੂੰ ਅਤੀਤ 'ਚ ਇਸ ਮਾਮਲੇ ਦਾ ਸਾਹਮਣਾ ਕਰਨਾ ਪਿਆ ਹੈ ਅਤੇ ਇਸਦਾ ਇਕ ਵਾਰ ਫਿਰ ਤੋਂ ਸਾਹਮਣਾ ਨਹੀਂ ਕਰਨਾ ਚਾਹੁੰਗਾ। ਪੰਜਾਬ ਦਾ ਇਤਿਹਾਸ ਗਵਾਹ ਹੈ ਕਿ ਸੱਤਾ ਤੋਂ ਬਾਹਰ ਹੋਣ ਜਾ ਰਹੇ ਹਰੇਕ ਸ਼੍ਰੋਅਦ ਪ੍ਰਸ਼ਾਸਨ ਨੇ ਸੁਨਿਸ਼ਚਿਤ ਕੀਤਾ ਹੈ ਕਿ ਵੋਟਰ ਸੂਚੀਆਂ 'ਚ ਜਿਨ੍ਹਾਂ ਖੇਤਰਾਂ 'ਚ ਵੀ ਕਾਂਗਰਸ ਸਮਰਥਕਾਂ ਦਾ ਬਹੁਮਤ ਹੋਵੇ, ਨਾਲ ਸਬੰਧਿਤ ਸਾਰਿਆਂ ਪੰਨਿਆਂ ਨੂੰ ਖਤਮ ਕਰ ਦਿੱਤਾ ਜਾਵੇ। ਇਸ ਲੜੀ ਹੇਠ ਪਹਿਲਾਂ ਚੈੱਕ ਕਰਨ 'ਤੇ ਜਿਹੜੇ ਨਾਂ ਵੋਟਰ ਸੂਚੀ 'ਚ ਮਿਲਦੇ ਹਨ, ਉਹ ਪੋਲਿੰਗ ਵਾਲੇ ਦਿਨ ਗਾਇਬ ਹੁੰਦੇ ਹਨ ਅਤੇ ਪਤਾ ਚੱਲਦਾ ਹੈ ਕਿ ਇਨ੍ਹਾਂ ਨਾਲ ਸਬੰਧਿਤ ਪੂਰਾ ਪੇਜ ਹਟਾ ਦਿੱਤਾ ਗਿਆ ਹੈ। ਜਿਸ 'ਤੇ ਪ੍ਰਜਾਇਡਿੰਗ ਅਫਸਰ ਗਲਤੀ ਦੀ ਗੱਲ ਮੰਨਦਾ ਹੈ ਤੇ ਇਹ ਕਹਿੰਦਿਆਂ ਮੁਆਫੀ ਮੰਗ ਲੈਂਦਾ ਹੈ ਕਿ ਹੁਣ ਕੁਝ ਵੀ ਨਹੀਂ ਹੋ ਸਕਦਾ ਹੈ। ਅਕਾਲੀਆਂ ਦੇ ਪੁਰਾਣੇ ਮਾੜੇ ਆਚਰਨ ਨਾਲ ਨਿਪਟਣ ਲਈ ਚੋਣ ਕਮਿਸ਼ਨ ਨੂੰ ਤੁਰੰਤ ਕਦਮ ਚੁੱਕਣੇ ਚਾਹੀਦੇ ਹਨ। ਬਾਵਜੂਦ ਇਸਦੇ ਕਿ ਉਨ੍ਹਾਂ ਦਾ ਨਾਂ ਵੋਟਰ ਸੂਚੀ 'ਚ ਹੈ ਜਾਂ ਫਿਰ ਨਹੀਂ ਹਾਲ ਹੀ ਵਿੱਚ ਜਾਰੀ ਕੀਤੇ ਗਏ ਵੋਟਰ ਪਛਾਣ ਪੱਤਰ ਸਵੀਕਾਰ ਕੀਤੇ ਜਾਣੇ ਚਾਹੀਦੇ ਹਨ।
ਇਨ੍ਹਾਂ ਕਾਰਨਾਂ ਦੇ ਚਲਦੇ ਤੇ ਪੰਜਾਬ 'ਚ ਵਰਤਮਾਨ 'ਚ ਸਧਾਰਨ ਤਨਾਅ ਦੀ ਸਥਿਤੀ ਵਿੱਚ, ਮੈਂ ਤੁਹਾਡੇ ਤੋਂ ਸੂਬੇ 'ਚ ਚੋਣ ਜਾਬਤਾ ਜਲਦੀ ਲਾਗੂ ਕਰਨ ਦੀ ਪ੍ਰਾਰਥਨਾ ਕਰਨਾ ਚਾਹਾਂਗਾ। ਵਰਤਮਾਨ 'ਚ ਪੰਜਾਬ 'ਚ ਕੋਈ ਪ੍ਰਭਾਵੀ ਸ਼ਾਸਨ ਨਹੀਂ ਹੈ, ਸਿਰਫ ਅਪਰਾਧੀਆਂ ਦਾ ਸ਼ਾਸਨ ਹੈ। ਡਰ ਤੇ ਧਮਕੀਆਂ ਦਾ ਵਾਤਾਵਰਨ ਬਣਿਆ ਹੋਇਆ ਹੈ ਅਤੇ ਅਜਿਹੇ 'ਚ ਚੋਣ ਜਾਬਤਾ ਕਈ ਨਾਗਰਿਕਾਂ ਨੂੰ ਅਸਲੀ ਰਾਹਤ ਪ੍ਰਦਾਨ ਕਰੇਗਾ।
ਆਪ ਜੀ ਦਾ ਵਿਸ਼ਵਾਸ-ਪਾਤਰ,
ਜੱਸੀ ਖੰਗੂੜਾ, ਵਿਧਾਇਕਹਲਕਾ ਕਿਲਾ ਰਾਏਪੁਰ